Sorry, you need to enable JavaScript to visit this website.
Share this المقالات
X

إزاي اتأكد إن ابني بينام كويس؟

(0 reviews)

امتى ابني هينام كويس طول الليل؟ ليه بينام ٣ أو ٤ ساعات بس ويصحى تاني؟ أعمل إيه علشان ينام بعمق أطول فترة ممكنة؟

الاثنين, شباط/ فبراير 3rd, 2020

عارفين إن دي الأسئلة اللي بتيجي في بالك. مبدئيًا، البيبي أول ما بيتولد بيحتاج فترة تأقلم مع الدوشة والروايح والأحاسيس اللي كلها مختلفة عن لما كان لسه جواكي وأغلب الوقت هيبقى نايم وده مفيد له لأن ساعتها بتفرز الغدة تحت النخامية (غدة في الدماغ) هرمونات النمو

 

  • بيتنظم نوم الطفل على مرحلتين: 

 

-نوم حركة العين البطيئة: فترة نوم هادية بتاخد عشرين دقيقة وبينام فيها الطفل بهدوي وبيتم إفراز هرمون النمو بشكل مثالي. 

 

- نوم حركة العين السريعة: في المرحلة دي الطفل بيبتدي يقلق وبيبقى نومه خفيف وده وقت ضروري لصحة مخه. 

 

- بين المرحلتين دول اللي محددين بوضوح بيبقى فيه فترات نوم وسط، وعادة الأطفال بيبدأوا نومهم بمرحلة النوم اللي فيه قلق. 

 

  • الطفل اللي لسه مولود بينام حوالي ١٦ ساعة تقريبًا (مابين ١٤ و٢٠ ساعة)، كمية النوم هتقل تدريجيًا مع السنين؛ هينام تقريبًا ١٥ ساعة لما يتم ست شهور ونص، وهينام حوالي ١٣ ساعة لما يتم ٤ سنين، وهيقل برضه تدريجيًا النوم خلال فترة الصبح؛ لما يتم ست شهور هينام من ٣ لـ ٤ مرات الصبح، وبعدين هينام حوالي مرتين بس الصبح لما يتم سنة، وبعدين هينام مرة واحدة الضهر لما يتم ١٨ شهر. 

 

  • عدم النوم بالليل بيزعج أمهات كتير بس الطفل محتاج كام شهر لحد ما يظبط ساعته البيولوچية من دورة الـ ٣ و٤ ساعات لدورة الـ٢٤ ساعة ولحد ما يبقى واعي لإيقاع الحياة؛ الليل والنهار وانتظام الوجبات وإنه يقضي وقت مع عيلته. 

 

  •   لأن البيبي خلال الأسابيع الأولى لسه مش مدرك الفرق بين الليل والنهار، فدي شوية نصايح ممكن تساعده على التأقلم:

 

- تهيئة الجو: خلي البيت هادي ودرجة الحرارة مناسبة (درجة الحرارة المثالية من ١٨ لـ ٢٠ درجة مئوية) والأوضة ومتهوية وتحديدًا مفيهاش أي دخان، وبالليل أقفلي الستاير خالص لكن الصبح سيبي ضوء خفيف، لو وراكي حاجة اتحركي وأعمليها عادي بس من غير دوشة.

 

-أعملي روتين: أربطي وقت النوم بروتين بحيث الطفل يفهم إن ده وقت النوم يعني تحميه وتغيّر له أو تشغّل له أغنية معينة أو ده يبقى وقت الأحضان الطويلة.

 

- ثبّتي مواعيد النوم: في الأسابيع الأولى بياكل كل ما بيحتاج، بعد كده أكليه في أوقات محددة. 

 

- عوديه ينام في أوضته: طبيعي في الأول ينام قريب منك في المكان اللي انت فيه لكن بعد كده لازم يتعوّد إنه ينام بدري في أوضته لوحده. 

 

سيبيه يعمل اللي مريّحه: لو عنده عادة معينة بيعملها بتهديه وبتساعده إنه ينام زي إنه يمص إيده مثلًا ويحضن لعبة بيحبها، سيبيه يعمل كده. 

 

- اختاري سرير مريح: نقّي له سرير متوفر فيه كل عناصر الأمان ومرتبته متينة وحجمها مناسب وتجنبي إنه يتعلق بين السرير وبين المرتبة أو بين أعمدة السرير. بلاش حاجات كتير معاه على السرير وهو نايم، خلي لعبة واحدة بس وتكون لللي بيحبها.

 

- وضع النوم: أأمن وأريّخ وضع لنوم البيبي وهو لسه مولود بيبقى على ضهره.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.