Sorry, you need to enable JavaScript to visit this website.
Share this المقالات
X

تفسير "لغة" طفلي

(0 reviews)

لحد ما يبدأ طفلي في الكلام، فمن الصعب إني أقول بس من خلال ابتساماته وعياطه إذا كان كويس ولا لأ. أو إذا كان لسه جعان. تساعدوني وتقولولي على طريقة أعرف أفسر بيها سلوكه؟

الأربعاء, كانون الثاني/ يناير 29th, 2020

من الولادة ولكام شهر بعد كده، سؤال واحد بيدور في عقول كل  الآباء والأمهات: هو  طفلي أخد أكل كفاية؟ مش دايما من السهل إنك تلاقي إجابة لما يكون كل اللي يقدر طفلك يعمله هو التجشؤ (التكريع)، وإنه يبتسم، ويعيط. ورغم كده ففي شوية علامات ظاهرية معتادة  (الطريقة اللي بيرضع بيها، البراز ، ومعدل نموه، و المعدل الزمني لإنك تأكليه والببرونات، الخ) اللي بتقول إذا كان طفلك بياكل "لمرحلة الشبع اللي تكفيه". وفي برضه لمحة عامة عن علامات رئيسية حسب سنهم.
 
0-4 شهور
إيه اللي لازم أدور عليه؟
 
السؤال الأول: هو طفلك بيرضع بشكل متكرر؟
 
طفلك لازم ياكل ما بين 8 و 12 مرة كل 24 ساعة خلال الشهر الأول بعدين من 6-8 مرات كل 24 ساعة، أو 5 ل 7 ببرونات بحجم 90 مل كل واحدة.
لازم يكون البلع بعمق وبشكل منتظم. حاولي تتابعي حلمة الإزازة وهي بتتنفخ بعيدن تتفرغ لما طفلك يبلع.
وخلال الشهور القليلة الأولى من ولادة الطفل لو كان بيرضع رضاعة طبيعية، هيتبرز على الأقل مرة واحدة بعد كل رضاعة، وهيكون برازه محبب، طري، و لونه أصفر فاتح، بالإضافة ل 5 أو 6 حفاضات مبلولين. من الشهر التاني وبعد كده، طفلك  هيعمل براز مرة أو اتنين كل يوم وعلى الأقل 4 حفاضات مبلولين. الطفل اللي مش بيرضع طبيعي هيعمل براز مرتين تقريباً في اليوم وبرازه هيكون كثيف أكتر، "له شكل محدد" وأصفر باهت أو بني فاتح.
 
لو كان طفلك بيعيط عياط بسيط، و بينام بانتظام وبهدوء و يقدر يفضل صاحي قبل أو بعد ما ياكل، فده معناه إنه شبع! و الرسوم البيانية لطوله ووزنه هتبين تقدم منتظم.
 
4-6 شهور 

و طفلك بيكبر،  احتياجاته من الطاقة بتزيد. وده هيخليه ياكل أكتر على مداراليوم الواحد. وبتختلف الشهية من طفل للتاني، فدي شوية مؤشرات عشان تعرفي إذا كان طفلك بياكل اللي بيكفيه ولا لأ :

 

• طفلك بيرضع 5 أو 6 مرات/يوم أو بيشرب حوالي 4 أو 5 إزازات في اليوم الواحد كل واحدة فيهم بتحتوي على 180 مل ل 210 مل من التركيبة المتبعة. وبيعمل براز على الأقل مرة واحدة كل 24 ساعة و وده بيطلع عدد كبير من الحفاضات المبلولة في اليوم الواحد.

• طفلك بيعيط لما بيبقى جعان ، عطشان، بس في نهاية اليوم هيقدر يرجع للهدوء. ومش بيصحى بشكل منتظم بالليل.

• هتبين الرسوم البيانية للوزن والرسوم البيانية للطول تقدم مستقر. تقدري تبدأي تدخليله الحبوب في السن ده.

 

طب بالنسبة لنموهم النفسي ؟

لو كان طفلك بياكل بشكل صح، فهيكبر بشكل صح! في السن ده، عادة بيكون قادر على إنه يشيل الحاجات من نفسه ويحاول يحطها في بقه. بيحبوا يطلعوا طبقات مختلفة من أصواتهم.

 

6-8 شهور

طفلك ابتدا يتعرف علي الأطعمة الصلبة لكن لسه  محتاج لبن كتير عشان نموه البدني. وهنا بنقدملك شوية مؤشرات على أن أنه بياكل بشكل صحيح:

• طفلك بيشرب حوالي 3 ببرونات من اللبن وكل ببرونة بيبقى فيها 210 مل في اليوم الواحد (أو ما يعادل 4-6 رضعات) وبياكل وجبتين/يوم + 1 وجبة خفيفة أو وجبة مكملة .

• حركات الأمعاء عندهم عادية و يعمل براز مرة واحدة على الأقل/24 ساعة بالإضافة لحفاضات كتيرة مبلولة في اليوم.

• طفلك بيخلص ببرونته لحد آخر نقطة: وممكن يكون لسه جعان. حاولي تزودي 30 مل للإزازة الجاية الجاية وشوفي لو هيحاول يخلص الكمية دي برضه ولا لأ. لو ده حصل، يبقى حاولي تزودي الكمية دي بشكل مستمر لكل ببرونة.

لوكان عندك أي شكوك، استشيري دكتور متخصص.

لو لسه طفلك بيواجه مشاكل في أكل  الطعام بالمعلقة؟ ماتقلقيش بخصوص الموضوع ده. استمري في تقديم الأغذية الصلبة خطوة بخطوة وانهي كل وجبة بببرونة اللبن لو كان طفلك بياكل قليل من أكله.وهتكمل الرسوم البيانية الخاصة بيهم للوزن و الطول إنها تبين تقدم مستقر.

 

طب بالنسبة لنموهم النفسي ؟

في السن ده، طفلك هيحب محاولة إنه يقعد، ويمسك في إيديكي لو كنتي بتشيليه والتعرف على تعبيرات الوش. وشوش الناس اللي مش عارفهم هتخوفه.

 

8-12 شهر 
في 12 شهر بس، هيتضاعف طول طفلك و يزيد وزنه 3 أضعاف! سواء كان عنده شهية كبيرة أو صغيرة. دي أهم الحاجات اللي لازم تدوري عليها:
 
• طفلك يشرب ببرونتين كل منها حوالي 240 مل / يوم وبياكل وجبتين كاملين (الغدا والعشا) + وجبة واحدة خفيفة أو وجبة مكملة.
• حركة الأمعاء عنده منتظمة ويعمل براز مرة واحدة على الأقل كل 24 ساعة، وبيطلع عدد كبير من الحفاضات المبلولة كل يوم.
• تبين الرسوم البيانية للوزن و الطول الخاصة بيهم تقدم مستقر.
 
طفلك لسه بيصحى بشكل منتظم بالليل: حطيتي في اعتبارك إنه ممكن يبقى عنده صعوبة في الهضم لأنه أكل وجبته أو شرب ببرونته بشكل سريع جدا، أو لأنك إديتيله أكل أكتر من اللازم؟ راقبيه بعناية عند وجبات الطعام القليلة اللي جاية، وبلغي الدكتور بتاعك
 

بيبان على طفلك أنه عاوز ياكل بين الوجبات؟ زودي  كمية الفواكه أو الخضار والكربوهيدرات في كل وجبة، وممكن تزودي 30 مل إضافية من اللبن للببرونتين .كمان أبدأي تدخلي المواد المهروسة (الفواكه والخضروات)، واللي هتديله مجموعة جديدة من النكهات وتساعده على الإحساس بالشبع.

 

طب بالنسبة لنموهم النفسي ؟

لعبة طفلك المفضلة في السن ده هي إنه يوقع الحاجات ويراقبك وانتِي بتشيليها! وإنه يكتشف برضهالسعادة في أن يكون قادر يقعد ويفرد جسمه ويزحف ويتحرك في كل حتة على إيديه ورجليه. ومن الممكن يبتدي يشاور على الحاجات اللي بتلفت انتباهه.

 

12 شهر و أكتر

مرحلة المواليد الجداد انتهت! طفلك بيكبر، حتى كان كان لسه مش عارف ياكل  زي الكبار. في المتوسط، النظام الغذائي لطفلك في عمر سنة واحدة بيتكون من:

• الصبح، طفلك بيشرب ببرونة من تركيبة اللبن بمقدار 240 مل تقريباً.

• الغدا والعشا (المثالي) بيتكون من فواتح الشهية والطبق الرئيسي بعد كده بيبقى  الجبنة أو منتجات الألبان وقطعة فاكهة.

• قدمي وجبة خفيفة لطفلك في الساعة 04:00 بالليل تقريباً وممكن برضه في نص الصبح كده لو مش هتبوظ شهيته في نص الصبح. لازم تستفيدي جدا من زيادة رغبته في الاستقلال إنه يدخل قطع صغيرة بالتدريج.

• طفلك بيعمل براز ما لا يقل عن مرة كل 24 ساعة، وبيطلع عدد كبير من الحفاضات المبلولة كل يوم.

 

طب بالنسبة  لنموهم النفسي ؟

شعور طفلك بالتوازن بيتحسن من جيد لأحسن. طفلك بارع في استخدام إيديه بشكل أكتر. ويقدر يعمل باي باي ويعمل حركات الإيد البسيطة، يمسك ببرونته، ويبان قادر يركب المكعبات بتاعته. يقدر يقف وهو ماسك في حتة من الموبيليا و/أو يقدر يتحرك بسرعة على إيديه ورجليه. يبتدي يقول أول كلماته، وغالبا بتكون ماما و/أو بابا، واللي هتخليكي مبسوطة جدا!

وهتبين الرسوم البيانية  للوزن و الطول تقدم مستقر.

 

طفلك مش بيحس إنه شبعان أبداً؟ دي حاجة طبيعية؛ هو في طريقه لمرحلة من النمو المركز، وبيتحرك في كل حتة أكتر وأكتر و بيبدأ حتى في المشي. عشان كده بيبقى محتاج يعوض عن كل الطاقة اللي  بيحرقها. اتأكدي إنه بياخد التوازن الصحيح من الفاكهة/الخضار/الكربوهيدرات ومنتجات الألبان.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.