Sorry, you need to enable JavaScript to visit this website.
 

Share this المقالات
X

إمتى لازم يتخلى نهائيًا عن البامبرز

(0 reviews)

مع قرب دخول المدرسة وكلام مامتك بتاع "وانتي في سنه كنت بتدخلي الحمام لوحدك" ومقارنة بشوية من ولاد صحابك وأمنيتك إنه ينتهي عصر البامبرز ويدخل في مرحلة إنه يدخل التواليت لوحده وده بيخلق أسئلة كتير عن مرحلة "البوتيترينينج"(Potty Training) اللي كانت في عصر أهلنا اسمها مرحلة إنه يقعد يعمل پيپي على القصرية لوحده

الأربعاء, كانون الثاني/ يناير 29th, 2020

إيه السن اللي هيبطل فيه البامبرز؟

مفيش سن محدد لده. هو بيبقى مستعد للـ بوتي ترينينج من أول ما يبقى مستعد جسديًا إنه يتحكم في عضلاته ولما يبقى مستعد نفسيًا إنه يتخلى عن حالته كرضيع، ومش كل الأطفال بتبقى مستعدة في نفس الوقت. فيه أطفال بتستعد من ١٥ لـ٣٦ شهر وغيرهم بيتأخر. بشكل عام، بعد ٢٨ شهر بيبقى خلاص بطل يعمل پيپي على نفسه.

إزاي أعرف إنه جاهز للتدريب؟

من علامات إنه جاهر يقعد علي النونية ويتدرب هي قدرته على القيام والقعدة والنط وشوط الكورة والطلوع على كرسي لوحده وإنه بدأ يتضايق ويشاور لك على البامبرز لما يبقى  مش نضيف أو مبلول.

لو أتدرب بدري على النونية، هل ده هيأخره في استخدام التواليت؟

ده حقيقي، مش المفروض تستعجليه على فعل أسرع من إمكانياته وقدراته، واستني الوقت المناسب لما هو يقرر إنه جاهز لده.

خلق مواعيد منتظمة هيساعده لما يجي يستخدم التواليت؟

مهم خلق نظام يومي بمواعيد محددة (لما يصحى، الضهر، قبل ما ينام) وخلي النونية في مكان يقدر يشوفه علشان يفتكر أسرع وقت ما يحتاج.

أسيبه أطول وقت ممكن قاعد؟

سيبيه قاعد براحته وما تحسسيهوش بضغط، وحتى لو ما عملش حاجة، شجعيه وقوله له إنكم هتحاولواتاني كمان شوية.

أعمل إيه لو عمل على نفسه؟

بالراحة عليه وفهميه إن مش لازم يستنى لأخر وقت ويطلب منك تساعديه أول ما يحتاج.

لو ما نجحش في استخدام النونية، هل أخليه يستخدم التواليت على طول؟

القعدة هتبقى عالية عليه، بننصحك إنك تمشي الموضوع مرحلة بمرحلة وما يستخدمش التواليت قبل ما ينجح في الـ "بوتي ترينينج"

ليه رجع يبل نفسه وسريره تاني؟

لو خلفتي تاني قريب ده ممكن يكون عامل. الأطفال ساعات بتتنتكس لما بيجي بيبي جديد. على العموم، الموضوع مش بيستمر لفترة طويلة والأمور بترجع زي ما كانت.

الصبح بيبقى شاطر، بالليل لأ، ليه؟

ده طبيعي، وبيختلف من طفل للتاني. فيه أطفال بتبدأبإنها ما تعملش على نفسها بالليل وأطفال العكس. أديله شوية وقت على ما يقدر يبقى مسيطر على نفسه طول اليوم.

هيروح المدرسة قريب وعايزة أمرّنه أسرع، أعمل إيه؟

استغلي أيام الويك آند والفترات اللي بتقضوها في البيت في إنه يبقى من غير بامبرز وركزي معاه في تثبيت وقت وفي إنه يطلب منك لما يحتاج. ما تتوتريش وما تضغطيش عليه زيادة وتبتزيه عاطفيًا، فيه أطفال ممكن تكمِّل تمرينها قبل المدرسة بيوم واحد

ملحوظة: لو ابنك تم خمس سنين ولسه مش قادر يتخلى بشكل كامل عن البامبرز، فلازم تلجأي لدكتور.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.