Sorry, you need to enable JavaScript to visit this website.
 

Share this المقالات
X

هو طفلي عنده حساسية ضد حليب الأبقار؟

(0 reviews)

طفلي شكله مش كويس بعد ما أخد ببرونة لبن أو منتجات الألبان. شكلها كده ممكن تكون حساسية ضد حليب الأبقار. وانا حابة اعرف أكتر عن الموضوع ده. في أي حلول للتعامل مع المشكلة دي؟

الاثنين, شباط/ فبراير 3rd, 2020

حساسية ضد حليب الأبقار. آه، بس أنهي نوع؟
حليب الأبقار ممكن يكون السبب إما في حساسية من البروتينات الموجودة فيه (واللي بتثير رد فعل دفاعي من قبل النظام المناعي) أو عدم توافق مع السكر الموجود في الحليب، واسمه عدم تحمل اللاكتوز (ودي بتبقى بسبب إفراز مش كافي من اللاكتاز، الانزيم اللي بيفتت اللاكتوز في الأمعاء).
 
عدد حالات الحساسية ضد بروتينات حليب الأبقار اتضاعف في آخر عشر سنين (في أسباب كتيرة والقايمة لسه غامضة حسب كلام المتخصصين). حساسية ضد حليب الأبقار بتمثل 13% من الحساسية الغذائية عند الأطفال وبتيجي لحوالي 3% من الأطفال تحت سن سنتين و بتختفي على سن سنة واحدة أو سنتين من  في أكتر من 80% من الحالات لو تم منع حليب الأبقار تماما من النظام الغذائي للطفل. وبتستمر لأجل غير مسمى في 20% من الأطفال المصابين. لو اكتشفتي إن طفلك عنده حساسية، فالمعلومات اللي جاية دي هتكون مفيدة.
 
تشخيصها مش سهل
 
إزاي تقدري تتعرفي على النوع ده من الحساسية؟ ده مش سهل، لأن العلامات بتختلف وممكن يحصل خلط بينها وبين غيرها من الأعراض .
 
في 3 أنواع رئيسية من الأعراض اللي بتبين إن في حساسية ضد بروتينات حليب الأبقار، وهي:
 
• الجلدي: الارتيكاريا، والأكزيما، واحمرار أو إن الوش يبقى دبلان، تورم.
• الجهاز الهضمي: ارتجاع ، والتقيؤ، والإمساك، والإسهال المزمن (في الأطفال اللي لسه مولودين جديد)، آلام في المعدة (في الأطفال الصغيرين).
• الجهاز التنفسي (من 20 ل 30% من الحالات): كحة بصوت صفارة والربو وصعوبة في التنفس.
 
من النادر جدا، لحسن الحظ، إن يحصل رد فعل تحسسي (خلل كبير في الدورة الدموية مع انخفاض مفاجئ في ضغط الدم) اللي بيحتاج العلاج السريع في المستشفيات.
 
أدلة على وجود عدم تحمل اللاكتوز ممكن تبقى الإسهال الحاد و العصبي، والانتفاخ، وتقلصات في المعدة، وانتفاخ البطن والقيء.
 
وعشان تأكدي شكوك دكتور الرعاية الصحية بتاعك، لازم يتعمل لطفلك اختبار الحساسية الكامل مع دكتور مختص، اللي سوف هيعمل إجراء اختبارات الجلد (ردود الفعل الفورية)، و/أو ممكن يستخدم اختبارالبقع أو اختبار الاستفزازاللي بتبين مظاهر الحساسية وقت عملية الهضم ويبتدي بعدها يقارن البيانات اللي طلعت من اختبار الدم.
 
 
في تاريخ من أمراض الحساسية في عيلتي. هو ده عامل؟
 
الأب أو الأخ أو الأخت ممكن يبقى عندهم حساسية من حليب الأبقار من غير ما يورث الطفل الجديد نفس الحساسية. واتقال في ده إنهم لاحظوا إن مستوى الحساسية الغذائية في الأسر اللي عندها تاريخ من أنواع تانية من الحساسية بيكون أعلى من الأسر اللي مفيش في تاريخها حساسية.
إيه أنواع الأكل اللي ممكن أديها لطفلي اللي عنده الحساسية؟

 

بعد ما اتأكدتي من التشخيص: طفلك عنده حساسية ضد أو عدم تحمل لحليب الأبقار.زمانك دلوقتي بتسألي إيه الأكل اللي ممكن تديه طفلك وكده معناه إنك هتبدأي تدخليله الأطعمة الصلبة، لأن العلاج بيبقى عبارة عن إنك تبعدي طفلك تماماً وتمنعيه من حليب الأبقار. فلازم ساعتها تمشي على نصيحة  أخصائي الرعاية الصحية بتاعك، بس برضه دي شوية أفكار ممكن تحطيها في الاعتبار:

 

• من الأول كده هتبدلي تركيبة حليب الأطفال بواحدة تانية فيها البروتين محلول، كبديل نموذجي لحليب الأبقار معمول مخصوص للأطفال اللي لسه مولودة (ولازم تاخدي بالك إنك ماتخلطيش بينه وبين صيغة الحليب المضاد للحساسية). الحليب الخاص ده مايقلش حاجة في الغني عن حليب طفلك اللي فات، وهيساعد بشكل كبير في نموهم زي الحليب اللي فات! لو كنتي بترضعي رضاعة طبيعية، فالموضوع متساب ليكي إنك توقفي كل منتجات الألبان من نظامك الغذائي، لأن بعض بروتينات حليب البقر بتمر من خلال لبن الثدي.
• تاني حاجة، لازم تتعلمي قراءة كل العلامات اللي على علب الأكل عشان تكتشفي لو في أي أثر لبروتينات حليب الأبقار في الأكل اللي بياكله كل يوم. وأكتر المصطلحات المعروفة هي: الحليب المجفف، الكازين، كازينات، لاكتوجلوبولين، لاكتالبيومين ، مصل اللبن، الخ (قايمة مش شاملة). دربي عينيكي!

 

 

طب بالنسبة لحليب الصويا؟ وكالة الغذاء والصحة والسلامة الفرنسية (AFSSA) بتنصح إننا مانستخدمش فول الصويا للأطفالأقل من 3 سنين.
 
 
وبالرغم من إن الحساسية ضد حليب الأبقار هتحدد الطريقة اللي هتأكلي بيها طفلك، فأخصائي الحساسية والرعاية الصحية العادي هيبقى قادر على إنه يقدملك المشورة والمساعدة في كل مراحل تطور طفلكِ الغذائية.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.