Sorry, you need to enable JavaScript to visit this website.
Share this المقالات
X

مع اللبن بس وكميات قليلة من الأكل التاني طفلي بدأ ياكل، هو كده هيبقى بياخد كل اللي محتاجه للنمو؟

(0 reviews)

طفلي عشان يكبر، بيحتاج لنظام غذائي متوازن مليان بالحديد والفلور، وفيتامين  د  وفيتامين ك، الخ . إزاي أقدر أضمن إني بأكله بشكل صحيح؟

الاثنين, شباط/ فبراير 3rd, 2020

لو كان في حاجة واحدة لازم تفتكريها، فهي حقيقة إنك لما تمشي على نظام غذائي متوازن ومتنوع فيه منتجات الألبان والفواكه والخضروات كل يوم فده هيوفر الكميات  اللازمة والصحيحة من المواد المغذية عشان طفلك يكبر (ده بالنسبة للبالغين برضه!)

طفلك بيتضايق لما تقدميله الفاصوليا الخضرا المهروسة أو المشمش.  طفلك بياخد اللي يكفيه من الفيتامينات والمعادن عشان يكبر؟ ليه المتخصصين بتوع  الرعاية الصحية  بيوصفوا مكملات الفيتامينات؟  هنا هنقدملك بعض الإجابات على أسئلتك اللي منتشرة أكتر.

 

الحديد لطفل بيتمتع بصحة كويسة

الحديد بيدي الفرصة للجسم ينتج الهيموجلوبين، اللي بدوره بينقل الأكسجين في الدم. وممكن  قلة المعدن ده تأدي لفقر الدم وخطر الإصابة بأبسط عدوى بسبب إن قوة مقاومة الجسم قلت جدا (خاصة أمراض الأنف و الأذن والحنجرة). العلامات اللي لازم تاخدي بالك منها عدم زيادة الوزن، شحوب  الجلد والشفايف، التهيج والعياط من غير سبب محدد، فقدان الشهية ورفض الأكل والشرب.


دي شوية نصايح عشان نبعد عن المشكلة:

  • الرضاعة الطبيعية: الحديد موجود بشكل طبيعي في لبن الأم لو كانت الأم في أكلها بتمشي على نظام غذائي متوازن.
     
  • لما تقدميله المواد الصلبة لازم نظامه الغذائي يبقى فيه جرعة أسبوعية من اللحوم الحمرا (ولازم تراعي الكمية  اللي  بتديها  لطفلك، لأن البروتين الكتير مضر)، صفار البيض (لحد ما يتم سنة واحدة، بعد كده قدّميله له البيضة كاملة)  والخضروات الغنية بالحديد (السبانخ، البروكولي، البسلة، الفاصوليا، الخ)، بالاضافة للبقوليات (العدس والحمص والفاصوليا الناشفة، وكل ده) والحبوب (المكرونة والأرز والعيش المعمول من الحنطة الكاملة) والفواكه الطازة المهروسة والفواكه المجففة (الزبيب، التين، والخوخ، وكل ده) .



أما بالنسبة للأطفال اللي بيتولدوا قبل  معادهم: فالمكملات  هتكون ضرورية لحد سن سنة.
هو انتم تعرفوا؟ إن عشان الجسم يمص  الحديد بسهولة،  لازم  تجمعوا بينه وبين الأكلات الغنية بفيتامين جـ؛ السبانخ مع عصير اللمون وسلطة العدس مخلوطة بحتت صغيرة من البرتقان  على سبيل المثال.


الفلور للأسنان الصحية!

المعدن ده بيساهم في نمو العضم وبيقوي مينا أسنان طفلك المستقبلية وبيحميها من التسوس. عشان كده هو عنصر مهم. ولمدة  تلاتين سنة فاتت  كان الأطفال اللي لسه مولودين جديد بياخدوا بانتظام جرعة يومية من الفلور ( في شكل تنقيط ) وقد عدلت  الوكالة الفرنسية لسلامة  المنتجات الصحية (AFSSAPS) وصف المكملات الغذائية دي بحيث تتاخد على أساس كل حالة لوحدها، من ست شهور وبعد كده. السبب في ده الدراسات الأخيرة اللي بينت إن آثار الفلور بتكون مفيدة أكتر بعد ظهور الأسنان.


لازم تستشيري الدكتور بتاعك، ولازم برضه تحطي في   اعتبارك إنك تقدري  تبتدي في غسل أسنان  الطفل بالفرشة عموما لما يتم سنة واحدة، وتستعملي فرشة أسنان متصممة مخصوص للأطفال لينة و مريحة (وملونة!)  


فيتامين د عشان عضم قوي!

فيتامين د بيدي الفرصة للكالسيوم إنه يصلح العضم بشكل صحيح، فبيزود صلابة وصحة عضم الأطفال الصغيرين، وممكن نقص فيتامين د يتسبب في إن النمو يقف. فين موجود فيتامين د؟  لازم نعرف إن الأكل مش بيغطي 100٪ من احتياجاتنا من فيتامين د، بس بينتج معظمها بفضل أشعة الشمس! عشان كده مهم جدا إنك تاخدي طفلك  للمشي كل يوم في الهواء الطلق، مع الحرص على حمايته من  الأشعة فوق البنفسجية وأشعة الشمس  بإنه  يلبس برنيطة ونضارة شمس وملابس بتغطي الدراعين والرجلين.

 


وممكن تلاقيه  في المواد الغذائية برضه!


في  أنواع اكل بتكون الغنية بفيتامين د. لو كان طفلك مش بيعاني من حساسية ناحية الاكل ده (وإذا كنتي بدأتي في إنك تأكليه  المواد الصلبة) لازم تحاولي تقدميله الحاجاة دي في وجبات الأكل:

  • البيض (عادة الأطفال بيحبوا أكل البيض بمعلقة صغيرة)
  • الأسماك الزيتية (الماكريل والسردين، سمك السلمون، الرنجة بتكون مهروسة في البداية بعدين تتقطع لحتت صغيرة)
  •  الكبد ، في فطيرة الراعي، على سبيل المثال.


طب بالنسبة للبن؟

على قد ما لبن الأم مليان بالفوايد، بس هو مش بيبقى فيه كمية كافية من فيتامين د. وده السبب في أن المتخصصين في الرعاية الصحية بيوصفوا عموما مكملات  على شكل قطرات للأطفال اللي لسه بترضع جنب  الرضاعة الطبيعية وبالنسبة للبن الأطفال الصناعي فهم بيزودوله فيتامين د بالفعل.


فيتامين  ك، مفيش غنى عنه !

فيتامين ك بيتصنع عن طريق البكتيريا الموجودة في الأمعاء وبيساهم في عملية تجلط الدم  وممكن الأطفال اللي لسه مولودين يبقى عندهم نقص في فيتامين  ك    وده السبب في أنه في اليوم التالت من الولادة من حياة المولود الجديد بنديله  جرعة فيتامين ك  تلقائي   في المستشفى. والأطفال بياخدوا مع الرضاعة الطبيعية مكمل منه برضه لحد ما تبتدي تأكليهم   المواد الصلبة.


فوايد إضافية: تقريبا كل الخضروات الخضرا وخصوصا السبانخ والكرنب والسمك والكبد مليانة بفيتامين ك.

الصور

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.