Sorry, you need to enable JavaScript to visit this website.
 

Share this المقالات
X

لبن صدري: أحسن أنواع الأكل

(0 reviews)

لبن الأم بيحتوي على كل حاجة اتخلق لها: بيلبي الاحتياجات  الغذائية للطفل اللي لسه مولود،  وتركيبته بتتغير مع مرور الشهور  ومع تغير احتياجات الطفل.  مجرد فكرة إني بعمل  كل حاجة بنفسي!

الجمعة, كانون الثاني/ يناير 31st, 2020

من خلال الرضاعة الطبيعية للطفل إنتي بتقدميله وجبة من 3 أطباق بالظبط، فيها كل حاجة هو محتاجها لاحتياجات نموه المكثفة اللي بتحصل في جسمه الصغير في الأسابيع القليلة الأولى. في الواقع، فلبن صدر الأم بيتكيف مع مرور الوقت  مع احتياجات طفلك وهو بيكبر من ساعة ما اتولد. الدليل على ده  إن الستات اللي بتولد قبل معادها بينتجوا لبن مليان بالأحماض الدهنية الأساسية عشان يلبي متطلبات الطفل المولود قبل معاده  من ناحية النضج الدماغي.


التلات مراحل بتوع لبن صدر الأم

تركيبة  اللبن بتتغير مع مرور الأيام والأسابيع.


• الأيام القليلة الأولى: بعد الولادة الطفل بيتغذى على لبن تقيل لونه مايل للأصفر وسهل يتهضم. اللبن ده اسمه اللبأ (لبن السرسوب)، وده اللي الأم  بتنتجه من بداية النص التاني من الحمل وبيبقى غني بالبروتينات والأجسام المضادة، ويعتبرهو الطعام المفضل للطفل اللي لسه مولود . ده غير إنه بيساعد الطفل إنه يخرج برازه   الأول  ( واسمه العقي )   وساعتها لازم نديله اللبن بكميات كبيرة  وفي أقرب وقت ممكن. ماتقلقيش لو كانت الكمية صغيرة من اللبأ (ما بين 20 و 40 مل لكل رضعة): عشان هو بيطلع بدقة مع احتياجات الطفل لما بيتولد.


 * من اليوم التالت ولحد اليوم ال14  : اللبأ بيختفي وييجي مكانه  الحليب الانتقالي  وده سائل لونه ميال للبرتقاني وجواه بروتينات أقل ولاكتوز (السكر) أعلى، والليبيدات (الدهون) والكالسيوم. وده بيمشي مع اسم الحليب " المتدفق  "، يعني إنتي بتبدأي تنتجي لبن بكميات أكبر. طب وتعرفي ده منين؟ هتحسي  بسخونة وصدرك هينشف ويتصلب ، وممكن تحسي باحساس طقطقة

ملاحظة: كل ما رضعتي أكثر كل ما اللبن هيزيد عندك


• في نهاية الأسبوع  التاني : لبنك هيبقى "ناضج"  وياخد اللون الأبيض المايل للزرقان ويكون شفاف شوية وهيبقى فيه كل حاجة الطفل محتاجها للنمو: الماء، والبروتينات، والكربوهيدرات (نسبة   90٪ منها من اللاكتوز لنمو الدماغ)، والدهون (زي الأحماض الدهنية الأساسية)، والمعادن (الكالسيوم والحديد والفوسفور، وغيرها) والفيتامينات من كل مجموعة.  عشان كده فالأحسن إنك تبقي بتاخدي مكملات غذائية من فيتامين   د وقت الحمل  وفيتامين ك بعد الولادة. (راجعي ده مع الدكتور بتاعك أو دكتور أمراض النسا) .



الكل في واحد، وجبة متوازنة بشكل كويس

•   صدقي أو ماتصدقيش ، إن تغيرات لبن الصدر في اللون واللزوجة مش بتحصل بس أسبوع للتاني، بس دي كمان بتحصل على حسب الوقت في اليوم، وحتى على مدار الرضعة الواحدة!


عشان كده هتلاقي إن اللبن أعلى في اللاكتوز الصبح،  والدهون في نص النهار كده، والبروتينات بالليل.  وده من أهم  الأسباب اللي بتخلي فكرة إن  طفلك يرضع وقت ما يطلب من ناحية عدد المرات أو المدة حاجة مهمة، وده عشان ياخد كل اللي محتاجه من  العناصر الغذائية عشان يكبر.


• اللبن عندك برضه بيتكيف مع رغبات طفلك اللي بتتغير على مدار الرضعة . في البداية بيكون  السائل  شبه شفاف، ومليان مية وسكر عشان يهدي جوع وعطش طفلك، ولما يرضع الطفل اللبن بيتقل أكتر ويبقى غنى بالدهون والبروتينات اكتر عشان الطاقة التي بيحتاج ليها عشان يكبر. وعلى نهاية الرضعة ، مستوى الدهون في اللبن بيزيد أربع مرات عشان يمشي مع نهم البيبي وبسبب شعوره بالشبع ده، طفلك هيتعلم إزاي ينظم شهيته  عشان كده برضه  مهم إنك تسيبي طفلك يرضع   لحد ما يسيب صدرك  لوحده، وده معناه إن ده الوقت  عشان نروح للصدر التاني، أو ببساطة نهاية الرضعة .



 

 

لبن صدر الأم بيتكيف مع احتياجاتها برضه


انتي مستنية توأم؟ لو كان الموضوع كده فما تقلقيش بخصوص إن جسمك هيقدر على إنه يرضع طفلين في نفس الوقت، عشان ساعتها هتنتجي تقريبا ضعف كمية اللبن. لو كنتي لأي سبب مش قادرة ترضعي من الثديين، فالثدي اللي بترضعي منه هيضاعف طاقته وطالما كنتي ماشية على نظام غذائي متوازن فاللبن هيكون مثالي لاحتياجات طفلك . لاحظي إن شرب اللبن البقري مش بيزود إنتاج الحليب  عندك!


القاعدة الوحيدة هي إنك تسيبي طفلك ياخد زمام المبادرة لما الموضوع يبقى له علاقة بالرضاعة الطبيعية. وخليكي واثقة في نفسك و في طفلك.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.