Sorry, you need to enable JavaScript to visit this website.
Share this المقالات
X

طفلي بيعيط أول ما الليل ييجي

(0 reviews)

من فترة، بدأت ألاحظ إن طفلي بيبدأ يعيط في نفس الوقت كل يوم، بالليل. يعني هو كده بيخاف من الضلمة؟ طب يا بيحس بوجع؟ طب هي نوبة غضب؟ صاحبتي قالتلي إن ده ممكن يكون حاجة اسمها "قلق المساء"، فممكن حد يقولي إيه ده؟

الاثنين, شباط/ فبراير 3rd, 2020

في بداية الأمر، ممكن مانشغلش بالنا، بس بعد شوية بنبتدي نقلق... وأكتر حاجة محبطة في الموضوع ده هو الشعور بالعجز لما يبقى الطفل عمال بيعيط ومش راضي يوقف. عشان كده هنقولك شوية تفسيرات ونصايح عشان تعرفي تساعدي البيبي بتاعك شوية في الفترة الانتقالية دي.


ليه كل الحزن ده؟

العياط اللي له علاقة بالقلق المسائي  نقدر نعرفه بسهولة  لإنه بيبقى مختلف عن عياط الطفل لما بيكون جعان، أو حاسس بوجع. الطفل بيبقى غضبان وممكن يكمل عياط من عشر دقايق لحد ساعة أو أكتر. النوبات دي لما بتحصل بتبقى دايما في نهاية  اليوم  وعموما قبل ما الدنيا تضلم على طول.


المفروض ماتقلقيش أوي أو أكتر من اللازم لأن النوبات دي  مش عادة خطيرة. العياط بالطريقة دي مش معناه إن طفلك عنده نوبة غضب، بس معناه إنه اتعود  على إيقاع معين في الرحم وفي الوقت البدري ده بالليل في نفس الوقت اللي كانوا فيه عندهم يقظة أكتر ومتوترين أكتر، ويمكن يكون عند طفلك صعوبة في  إنه يفرق بين الصبح والليل، والعياط هو الطريقة اللي طفلك هيتعود بيها على دورة الصحيان والنوم الجديدة.


في دكاترة  أطفال بيعتقدوا إن النوبات دي بتخلي الطفل  يطلع أي قلق وإحباط اتراكم عنده من الصبح، وتساعده يطلع التوتر بعد يوم مليان مغامرات وعواطف جديدة. والعياط هو الطريقة الوحيدة للاتصال الموجودة عند للطفل.
ودي مرحلة مؤقتة و هتعدي بسرعة.


تبني الموقف الصح

مفيش حل معجزة هيناسب كل الأطفال عشان كل طفل بيختلف عن التاني، والموضوع متساب ليكم إنكم تلاقوا أحسن حلول لطفلك، بس في حاجة واحدة أكيدة، هي إن طفلك بيحتاج ليكي عشان كده غلط إننا نسيبه يقعد يعيط واحنا فاكرين إنه هيبطل عياط من نفسه. طفلك بيحتاج إنه يعبر عن نفسه  بالطريقة دي عشان يقدر يتكيف مع الوضع، عشان كده ماتحاوليش تخليه يبطل عياط بأي تمن!


بس في حل واحد وهو إنك تاخدي طفلك بين دراعك وتهمسيله بلطف، وفي أطفال بيحبوا إنك تتمشي بيهم في كل حتة في المكان  لفترة أو تهزيه في مرجيحة، أو تديله  حمام أو مساج. اعملي كده بعدين حطي طفلك في السرير بعد كام دقيقة.  لو كان طفلك لسه مش  مرتاح، فده أمر طبيعي  لأن الأطفال غالبا ليلتهم بتبدأ في حالة اضطراب وبعد شوية هتلاقيم بيهزوا راسهم ورايحين في النوم ...
ومن المغري في البداية إنك تسيبي الطفل ينام بين دراعك. بس بعد الأسابيع القليلة الأولى  لازم برضه تحطي طفلك في السرير في أوضته وهو صاحي، وهو هينام لوحده وهو مرتاح وبيمص صباعه أو حاضن لعبته اللي بيحبها ...


حاولي إنك تحافظي على هدوئك  في المرحلة دي، عشان  طفلك مايحسش بتوترك ده لإنه ساعتها هيقوي شعوره بإنه مش مرتاح .  خليكي صبورة جدا عشان في أطفال بياخدوا وقت أطول من غيرهم عشان يتكيفوا مع الروتين الجديد يعني من بداية أسابيع ولحد كام شهر!

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.