Sorry, you need to enable JavaScript to visit this website.
Share this المقالات
X

ضغط دمي عالي، دي حاجة خطيرة؟

(0 reviews)

أنا حامل في الشهر الخامس والدكتور بتاعي قاسلي ضغط الدم في زيارة روتينية ولقاه 140/90. وقاللي إن أنا عندي ارتفاع في ضغط الدم الشرياني المرتبط بالحمل. فده معناه إيه؟

الأربعاء, كانون الثاني/ يناير 29th, 2020

لازم نراقب ارتفاع ضغط الدم في فترة الحمل أو ارتفاع ضغط الدم المرتبط بالحمل باهتمام. مع المشي على نظام غذائي شديد وعمل الفحوصات الطبية العادية، كمان لازم تقدري إنك تبعدي عن أي حاجة ممكن تسبب المضاعفات. فلازم تركزي على 10 نقط أساسية مهمة.

1. في كذا نوع من ارتفاع ضغط الدم.

• لو كانت الست في العادي ضغط الدم بتاعها عالي، فده هيزيد في فترة الحمل.

• ممكن ضغط الدم يبقى عالي في فترة الحمل كلها بعدين يرجع لطبيعته.

• ارتفاع ضغط الدم بيظهر في التلت التالت من الحمل (عادة في الشهر الخامس أو السادس). وغالبا النوع ده بيسبب مضاعفات.

2. يقدر الدكتور بتاعك يكتشف ارتفاع ضغط الدم المرتبط بالحمل ببساطة عن طريق إنه يقيس ضغط دمك فى وضع النوم (إنك تبقي فاردة جسمك). بمجرد تشخيص ارتفاع ضغط الدم، هتقل الخطورة اللي ممكن تتعرض ليها  الأم والطفل ، عشان الحمل هتتم متابعته. ولو الموضوع محتاج أوي، ممكن الدكتور يحددلك زيارة إضافية عشان تعرفي أكتر عن الموضوع ده، وياخد عينة دم ويعملك فحص الموجات فوق الصوتية وأشعة الدوبلر.

3. الأعراض اللى بتوضح احتمالية إن يحصل ارتفاع ضغط الدم: ورم في الأطراف، صداع، دوخة، بقع فى مقدمة العينين، طنين في الودان، وزيادة ملحوظة فى الوزن. ورغم كده فمعظم الحالات مش بيتلاحظ فيها ارتفاع ضغط الدم.

4. ارتفاع ضغط الدم المرتبط بالحمل غالبا بيأثر على الستات الصغيرة في السن في أول حمل ليهم أو لما يكونوا حامل في توأم. عوامل الخطر التانية اللي لازم نحطها في الاعتبار هي السمنة، وجود تاريخ شخصي أو عائلي لارتفاع ضغط الدم، مرض السكري، إلخ.

5. المخاطر اللي بيتعرض ليها الطفل: المعاناة المستمرة للجنين، تأخر النمو، انخفاض وزن الطفل عند الولادة، والولادة المبكرة. ورغم كده، لما تتعالج الحاجات دي بعناية، ممكن جدا مخاطر ارتفاع ضغط الدم تقل بشكل كبير.

6. المخاطر على الأم ممكن تبقى في الفشل الكلوى أو الكبدي والسكتات الدماغية. لو زادت مستويات البروتين في البول مع ظهور التورم فجأة، ساعتها هيبقى ارتفاع ضغط الدم مشكلة خطيرة معروفة باسم تسمم الحمل أو تسمم الدم المرتبط بالحمل.

المرحلة الأخيرة هى تسمم الحمل، وهو نوع من نوبات الصرع العنيفة اللي ممكن تسبب غيبوبة. ولحسن الحظ إن الظاهرة دي نادرة جداً دلوقتي، لأن ارتفاع ضغط الدم نقدر نرصده بعناية.

7. ارتفاع ضغط الدم المرتبط الحمل ممكن يخلي الدكتور يختار إنه يخلي الولادة قيصرية.

8. عشان نمنع إن تحصل أي مضاعفات، لازم تعدلي نظامك الغذائى، والتقليل من تناول الدهون والسكريات. لو كان وزنك زايد، اوعي تترددي إنك تناقشي ده مع الدكتور بتاعك أو استشيرى خبير التغذية، عشان هم عندهم القدرة يوجهوكي صح. لازم برضه تشربي كميات كبيرة من المية ماتقلش  عن 1.5 لتر كل يوم (المياه غير الغازية).

9. ننصح طبعا بالراحة تماما. عشان ممكن ارتفاع ضغط الدم المرتبط بالحمل يتسبب في إنك تبطلي شغل.

10. ما تقلقيش! ارتفاع ضغط الدم المرتبط بالحمل هو ظاهرة معروفة دلوقتي، وكل الناس الي شغالين في المجال الطبي عارفينها كويس أوي. فلو مشيتي على نصايح الدكتور بتاعك، الحمل هيعدي من غير قلق!

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.