Sorry, you need to enable JavaScript to visit this website.
Share this المقالات
X

حركة الأمعاء بتاعة طفلي مش متنظمة، إيه اللي لازم أعمله؟

(0 reviews)

لمدة كام يوم لحد دلوقتي، وبراز طفلي ماكانش زي العادي. ده طبيعي ولا لازم أكون قلقانة؟

الاثنين, شباط/ فبراير 3rd, 2020

هو طفلي عنده إمساك ؟
ممكن السؤال يبان غريب، وأكيد كلنا عارفين  يعني إيه "ممسك": يعني قلة عدد المرات اللي بيتعمل فيها براز وممكن حتى غياب البراز. ومع كده، فالبراز الجامد، الناشف  (زي الكور  الصغيرة)، أو صعب  في الإخراج هو برضه علامة على حركة الأمعاء اللي مش منتظمة.
لحد سن 18 شهر، الطفل بيعتبرعنده إمساك لو ماكانش بيعمل براز مرة واحدة على الأقل كل يوم، ده بالنسبة للأطفال اللي بيرضعوا رضاعة طبيعية أو تلاتة في الأسبوع للأطفال اللي لسه بيرضعوا اللي بيتغذوا  على تركيبة حليب الأطفال الصناعية من الألبان .
 
في أغلب الحالات، عدم الانتظام ده بيعتبر تغير "وظيفي"، يعني مش بسبب المرض. عموماً، النوع ده من الإمساك مش خطير وبيتكرر بشكل كبير في الأطفال في سن 0-36 شهر، وممكن نعالجه في أيام قليلة أو أسابيع.

 

 

الأسباب اللي ممكن تسبب الإمساك :
 
• لو كنتي بترضعي طبيعي، فممكن تكوني غيرتي النظام الغذائي بتاعك فبقيتي بتاكلي الكربوهيدرات أكتر زي العيش الأبيض، على سبيل المثال (ده طبيعي، انتي جعانة!)، و قللتي من الحبوب الكاملة والعيش المعمول من الحنطة الكاملة، الغنية بالألياف و اللي بتشجع الأمعاء علي الحركات الصحية .
• لو طفلك جاله إسهال: فالطبيعي بالنسبة له إنه يجيله بعد كده إمساك.
• ممكن تكوني رجعتي للشغل وسبتي طفلك مع مربية أطفال أو في الحضانة. ممكن يكون طفلكِ اندفاعه قليل الصبح! و بسبب التغيير ده في روتين طفلك، ممكن طفلكِ ياكل بشكل أقل ويبقى ميال غنه يبقى مكشر اكتر (الحاجة اللي مش هتساعد سباقك اليومي ضد عقارب الساعة). وممكن تتأثر حركات أمعاء طفلك بده.
• ممكن تكوني بدأتي في تقديم الأكل الصلب لطفلك، ومعاه، مشكلة الإمساك! ده مش بيحصل في كل حالة من الحالات بس هو طبيعي تماماً. مع تقديم المواد الصلبة، فالجهاز الهضمي بيبقى لازم يشتغل بجد أكتر و "أجهزة" بعض الأطفال بتاخد شوية وقت عقبال ما تتعود تشتغل بشكل صحيح!
• وممكن لما طفلك يكبر في السن، وكنت عايزة (أو اللي  حواليكي بيشجعوكي) تبدأي تدربيه علي استخدام نونية للأطفال. لو أجبرتي الطفل عليها في وقت بدري جدا، ممكن المرحلة الحيوية دي تتسبب في تأخير التبرز. لو كان ده هو الوضع، استني كام أسبوع أو كام شهر قبل ما تبدأي في المرحلة الجديدة دي. افتكري دايما إن الحاجة الوحيدة اللي هتقيدكِ هو أن طفلك لازم يبقى متدرب علي دخول الحمام (الصبح على الأقل) في الوقت اللي بيبدأ فيه مرحلة المدرسة!
 
حلول الإمساك 

 

• عند الرضاعة الطبيعية: اتأكدي من أكل طعام متوازن ونظام غذائي متنوع مع فواكه كتير  وخضروات وحبوب كاملة، واللي بتعتبر مصدر ألياف ممتاز.برضه اشربي مية كتير، ما  يقلش عن 1.5 لتر يومياً.
• عند الرضاعة الصناعية أو الانتقال من الرضاعة الطبيعية للحليب الصناعي: جهزي ببرونة وفي نفس الوقت جهزي واحدة تانية باستخدام نص الكمية من ماء هيبار (غني بالمغنيسيوم) والميه المعدنية المعتادة؛ وإدي  لطفلك المية بانتظام عشان يشرب خلال النهار. وبنوصي بده لحد ما يوصل 36 شهر و بعد كده كمان لو لازم!
• الفطام: لما تدخليله الحبوب والطعام المهروس، ممكن نظام طفلك الغذائي يبقى فقير في السوايل. اتعودي تدي طفلك المياه عشان يشرب بين الوجبات. وممكن برضه تقللي من الإمساك لو بعدتي عن  الرز والموز والجزر كام يوم. ممكن تقدمي الفواكه والخضروات، من ناحية تانية، بأكبر قدر ممكن (لو طفلك عاوز طبعا!)؛ استغلّي الفرصة دي لإبهار براعم التذوق عند طفلك!

 

 

طب بالنسبة لاستخدام لبوس  الجليسرين لتسريع العملية دي؟ ننصحك إنك تطلبي المشورة من أخصائي الرعاية الصحية قبل ما تقدميله أي نوع من العلاج لطفلك بنفسك.
 
إمتي لازم تستشيري الدكتور؟
  • لو طفلك عمل براز مرتين أو أقل خلال الأسبوع.
  • لو كان طفلك وزنه بينقص.
  • لو كان طفلك بيبان عليه علامات التألم وهو بيعمل براز.
 
 
مفيش داعي للقلق بشكل زيادة. في علاجات بسيطة وفعالة عشان تخلي حركة الأمعاء عند طفلك منتظمة زي الساعة مرة تانية في وقت بسيط جداً!
 
قبل ما تقدميله أي شكل من أشكال الدوا، فالنظام الغذائي هو المفتاح الأساسي عشان مايحصلش الإمساك. لازم نحط في اعتبارنا أن في أطفال (والكبار،بالنسبة للمسألة دي!) هم بطبيعتهم بيبقوا معرضين أكتر للإمساك، بس الموضوع ده مش بيأثر على صحتهم العامة بأي شكل.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.