Sorry, you need to enable JavaScript to visit this website.
 

Share this المقالات
X

انا عايزة أدلك طفلي، إزاي اعمل كده؟

(0 reviews)

في ناس بتقول إن التدليك بيساعد الأطفال على إنهم يحسوا إنهم مرتاحين، وبيشجع علي التواصل وبيساعد الأطفال على التطور بشكل صحيح. طب أقدر أبدأ من الولادة؟ إيه هي القواعد الأساسية؟ إيه هي المنتجات اللي لازم  أستخدمها؟

الاثنين, شباط/ فبراير 3rd, 2020

طفلك أخد حمامه دلوقتي، ملفوفٌ في اللبس بتاع الحمام، بيدي لمحة من الابتسامة الأولانية، وبينطق أصواته الأولانية. التدليك بقى بيطول وده بيزود العطاء اللي مش هتسيبيه و لو لأي حاجة في العالم. ده فن اللمسة، وهو على درجة عالية من التطور في الثقافة الأفريقية والهندية، ولحد دلوقتي كان من الحاجات المحرمة في مجتمعاتنا الغربية. لحسن الحظ، العقليات بتتغير والتدليك هو وسيلة تانية للتواصل مع أطفالك الصغيرين. فايدة التدليك: بيريح طفلك وبيخليه يحس بالأمان، وبيساعد على تطوير قدرته الحركية. دلوقتي التدليك بيعتبر حاجة معروفة من الدكاترة.
 
وده  دليل الأمهات والآباء عشان يبقوا  خبرا في التدليك!

 

التدليك وسيلة عشان نتعلم التواصل بطريقة مختلفة
الأطفال بيكتسبوا حاسة اللمس  من الشهر السادس من الحياة في الرحم. طريقة جلدك لما بيلمس جلد الطفل في التدليك من ساعة الولادة بتطول التواصل الدافي اللي الطفل حس بيه قبل كده في دفء رحم أمه. فالتواصل بيبدأ بلغة الجسد اللي بتساعد الأمهات والآباء إنهم يعبروا عن حنانهم. يمكن فترة انتظارك لوصول طفلك في اشتياق و حماس تطول بس من المألوف دايما بالنسبة ليكي إنك تحسي بالتوهان أو الرهبة من الملاك الصغير اللي عاوز اهتمامك الكامل.

 

لو طفلك عيط من غير ما تكوني قادرة على تخمين السبب، إوعي تشدي في شعرك أو تحاولي تطلعي بإجابة مهما كان الموضوع. اقعدي بشكل مريح مع طفلك وشوفي لو كان عاوزك تعمليله تدليك . سحر! ودي اللحظة الخاصة المليانة بالحنان هتساعد في إنها تهدي طفلك. عن طريق إنك ترخي عضلاتهم طفلك هيحس بالاسترخاء وصحته هتتحسن. حركاتك اللي بتحميه هتساعد طفلك إنه يطمن وبتساعده يروح في النوم. التدليك للصغيرين بيوفرلهم الراحة من وضع النوم المستمر.

 

لو كان طفلك بيتلوى ويعيط، دلّكي بطنه بلطف ببطن إيديكي. الضغط الخفيف والحرارة اللي طالعة منه هتساعد علي إنها تهدي أعراض المغص اللي بتوجعه. خدي وقت كفاية عشان تدلكي طفلك بانتظام عشان يبتدي يتعرف على جسمه بالتدريج.
 
امشي على نصايحنا حوالين فن التدليك
 
تدليك فعال
التوقيت؟ لما يكون الطفل مسترخي: قبل معاد النوم، بعد  تغيير الحفاضة، أو بعد الدش على طول. أهم حاجة إن يكون كل واحد منكم جاهز وهادي عشان تشاركوا بعض شوية دقايق. ولازم تبعدي عن التدليك بعد الرضاعة لأنه ممكن يثير معدة طفلك.
 
المكان؟  غرفة هادية و دافية، ومايكونش في أضواء قوية. تقدري تحطي الطفل على ترابيزة التغيير أو على السرير. تقدري برضه تحاول تقعدي مع طفلك على بطانية أو مخدة على ركبتك وهي مرفوعة. من الناحية المثالية، لازم الطفل يكون عريان. عشان تطمني طفلك تقدري تغطي من جسمه الأماكن اللي مش هتدلكيها بفوطة ناعمة. لو طفلك كان باين ععليه إنه مش مرتاح بعد كده فممكن عشان ماكانش عاوز التدليك في الوقت ده. تقدري تحاولي مرة تانية بعدين في نفس اليوم أو في يوم تاني خالص.

 

ماينفعش تدلكي الأطفال زي الكبار عشان كده ماتعتبريش نفسك أخصائية علاج طبيعي! ابدأي بلطف وانتي حاطة في الاعتبار إن مصلحة الطفل هي الأهم مش مهاراتك الخاصة. قبل سن شهرين، أبدأي بضربات لطيفة وثابتة. كل ما كبر الطفل هتقدري تحسني من أسلوبك الخاص و تزودي التدليك. لو كنتي خايفة من إنك مش هتقدري تعملي ده بشكل صحيح أو إنك ممكن تئذي طفلك،  اقري الكلام ده. لو كنتي حاسة إنك محتاجة دعم أكتر بعد كده فليه ما تاخديش دروس في التدليك (شوفي الصندوق ).
 
لحد إمتى؟ تقدري تبدأي بالتدليك أول ما يقع الحبل السري . ممكن الطفل يتدلك لمدة 5 ل 10 دقايق بداية من سن شهر واحد تقريباً. خلي مدة التدليك قصيرة بس بانتظام بدل من مرات بعاد عن بعض ولمدد طويلة.

 

لحد أي سن؟ مفيش حد رسمي. طفلك هيبقى يقولك لو مابقاش عاوز التدليك.
 
إيه المنتجات اللي هاستخدمها؟ حاولي تستخدمي المنتجات الطبيعية أكتر على قد ما تقدري (ابعدي عن استخدام زيت اللوز الحلو وجه بسبب الخوف من خطر الحساسية)، واللي لازم يبقى مفهاش أي عطور ولا المواد الحافظة ( بارابن). لازم  تكون الريحة طبيعية بقدر الإمكان عشان ماتضرش كنزك الصغير. في شوية ماركات لمستحضرات التجميل الخاصة بالاطفال بتقدم المنتجات دي.

 

الطريقة الصح عشان اعمل ده
تشيلي أي مجوهرات عشان ماتعوريش طفلك. اغسلي إيديكي بعدين غطيهم بالزيت وافركيهم مع بعض كام دقيقة عشان تدفيهم. اشرحي لطفلك اللي انتي ناوية تعمليه معاه. ممكن تبتدي الغنا وانتي بتدلكي طفلك عشان تطمنيه.
 
الجسم: ابداي عن طريق اللمس بالراحة لكل الجسم من الراس لحد تحت عند القدمين. والحركات اللي تحت ممكن توضحلك أكتر تعملي إيه وممكن تتكرر من أربع ل خمس مرات. وقفي بسرعة لما تحسي إن طفلك مش مرتاح  .
 
الرجلين: حطي بطن إيديكي على الكتفين واتحركي لتحت ناحية الرجلين. دلكي كل رجل واحد ورا التانية بكف الإيد، من الفخد للكاحل. اضغطي على الرجلين  من جوه بالراحة  بالإبهام (خدي بالك، إن المنطقة دي شديدة الحساسية!) من الكعب أصوابع القدم.
 
البطن: حطي إيديكي على البطن لمدة دقيقة تقريبا. التدليك بيكون في اتجاه حركة عقارب الساعة براحة الإيد. حركي إيد واحدة، واحدة ورا التانية على كل جنب من البطن.
 
الدراعين والإيدين: دلكي الدراع من جوة براحة إيدك. مري على الدراع في حركات دائرية بإيدك وانزلي لتحت ببطء مع الضغط بالراحة. دلكي الصوابع وراحة الإيدين عن طريق رسم دواير صغيرة.
 
الضَهر : حطي طفلك على بطنه. دلكي ضهره بالراحة بإيد واحدة ورا التانية، ابتدي من قاعدة الرقبة لآخر العمود الفقري تحت بعدين مرة تانية اطلعي لفوق. انتهي بتدليك دائري خفيف على مؤخرته.
 
لما تنتهي، حطي طفلك على ضهره من جديد ولبسيه على طول لأن درجة حرارة جسمه هتكون نزلت بسبب حالة الاسترخاء بعد التدليك.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.