Sorry, you need to enable JavaScript to visit this website.
 

Share this المقالات
X

الشهر التامن في الحمل

(0 reviews)

آخر دورة شهرية ليا كانت من 33 لحد 36 أسبوع تقريبا، وبالتالي فأنا حامل في الأسبوع ال 31 أو 34. طفلي بيستعد للخروج : بمعنى إنه بيحط نفسه في موضع الراس لتحت.  وانا حسيت دلوقتي بانقباضة حقيقية، بس خفيفة.  اليوم العظيم بيقرب!

الخميس, كانون الثاني/ يناير 30th, 2020

فين طفلي؟

طفلك بيستمر في النمو: خلال الشهرين اللي فاتوا وزنه هيبقى الضعف وهيكبر حوالي عشر سنتيمتر!
خلال الشهر التامن من الحمل، وضع  طفلك هيتغير تماما وهيبتدي ياخد وضعية الولادة، يعني في 95٪ من الحالات هتكون الراس لتحت، وممدد بشكل تام ، وضهره  على الجنب الشمال. تقدري تتأكدي من ده من خلال الفحص بالموجات فوق الصوتية الأخير بتاعك: ده اللي معروف باسم العرض التقديمي .


في فترة الانتظار،  طفلك هيحسن من الخصائص بتاعة  جسمه : عضمه هيقوى ، شعره هيكبر، جلده هيتحول للون البينك،  وضوافره هتطول .....  جهازه الإخراجي هيبدأ في التكون بشكل تام وكليته هتخرج حوالي 30 ملم من البول في الساعة. الأمعاء  بتتملي بالتدريج بالعقي  ودي مادة غامقة وسميكة و هتكون أول براز لطفلك بعد ولادته.


في نهاية الشهر التامن  طفلك ممكن يبتدي فعلا بتنقل لآخر حتة في الحوض. ممكن تحسي بشدة بسيط ة أو وجع منتشر تحت في بطنك. فمفيش داعي للقلق لأن دي حاجة  طبيعية: بدأت مفاصل الحوض تنفرج  شوية عشان تسمح للطفل بالمرور.


 

 

عاداتي الغذائية الكويسة

في المرحلة دي، طفلك هيزيد في المتوسط ​​200 جرام من الوزن كل أسبوع  عشان كده من المهم دلوقتي أكتر من أي وقت فات إنك تدي لطفلك العناصر الغذائية اللي بيحتاجها للنمو الصح وهتحتاجي  طاقة برضه عشان تنجحي في المرور خلال المرحلة النهائية دي وهيحتاج جسمك يبني احتياطيات للولادة وفترة الرضاعة الطبيعية. وده طبعا مش الوقت المناسب إنك تمشي على دايت للتخسيس.


خدي بالك من إنك ماتاكليش وجبات خفيفة في  الشهرين  الأخيرين دول! دلوقتي هتبدأ أجازة الأمومة ودي طبعا ممكن تكون حاجة مغرية ليكي إنك تبطلي تهتمي بنظامك الغذائي. على العكس تماماً لازم تستفيدي من الوقت ده عشان تتابعي نظامك الغذائي عن قرب.  لازم تستفيدي من وقت فراغك بالتمشية، عشان تشتري الفواكه والخضروات الطازة والسوا بتاعها.  ده هيديكي  فيتامين جـ اللي  بتحتاجيه  عشان تحمي خلايا الجسم والشرايين وعشان  الحديد يتمص كويس، واللي  هتحتاجيه عشان تعيدي  بنا مخزون  كرات  الدم  الحمرا.


سؤال الشهر: إيه هي أنواع الأكل اللي لازم آخده  عشان أستعد للرضاعة الطبيعية؟


لو كنت قررتي ترضعي طفلك طبيعي  فهيكون دلوقتي هو الوقت المناسب عشان تاخدي  البروتين والكالسيوم وفيتامين د وكل العناصر الغذائية الأساسية اللي تقدر إنها تدي طفلك اللبن  عالي الجودة (بننصح غنك تاخدي مكمل  على  شكل أمبولة من فيتامين د  بشكل عام في المرحلة دي-  ارجعي للدكتور بتاعك في الموضوع ده)  لازم تفضلي مواظبة على نظام غذائي متوازن ومتنوع مليان بالفاكهة والخضروات ومنتجات الألبان والعدس والحبوب  ده غير طبعا البروتين الحيواني (اللحوم والأسماك والبيض)  والدهون، بالذات الأحماض الدهنية الأساسية. لازم برضه تستمري في شرب مية كتير ما  بين 1.5 و 2 لتركل يوم وتقللي شربك للمشروبات السكرية والمشروبات الغازية،ونفس الكلام بالنسبة للقهوة والشاي (ما يزيدوش عن كوبايتين في اليوم)  أما بالنسبة  للكحوليات، فطبعا بننصح بشد البعد عنها خالص خلال فترة الحمل والرضاعة بالكامل.
طفلك  بياخد مساحة كبيرة  عشان كده مش بتحسي إنك مرتاحة في منطقة الرحم. خلال الشهر التاسع   والأخير من الحمل هيكون  الحجاب الحاجز والرئتين مضغوطين  وده هيسبب إنك تحسي بضيق التنفس. اصبري، لإن كل حاجة هترجع  لمكانها الصح في الوقت المناسب!

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.