Sorry, you need to enable JavaScript to visit this website.
 

Share this المقالات
X

إزاي طفلي بيشوفني؟

(0 reviews)

طفلي بيبصلي بعينين واسعين وساعات بيبحلق في الحاجات باستغراب. يعني بجد إزاي طفلي بيقدر يشوفني ويتعرف على البيئة اللي حواليه؟ وإزاي أقدر آخد بالي من أي عيوب ممكن تبقى عنده في الرؤية؟

الاثنين, شباط/ فبراير 3rd, 2020

من ساعة الولادة، طفلك بيشوف العالم من حواليه بعينيه الصغيرة بس نظره مش بيكون ممتاز. عشان الأطفال بيبتدوا يشوفوا زي الكبار بعد ما يكون عدى كام شهر على ولادتهم. وطفلك هيبدأ ياخد باله من الحاجات بالتدريج زي الألوان والتفاصيل وهتتغير طريقة فهمه للعالم بشكل واضح!

حاسة بتتطور بالتدريج

بالعافية طفلك اللي لسه مولود  هيعرف يشوف باباه ومامته برة بطن الأم،  والرؤية ساعتها بتكون مش واضحة آخرها على بعد 30 – 50 سم ومحدودة لدرجات مختلفة من اللون الرمادي. بس طفلك بيعرف يركز وبيقدر يميزك! دي التغيرات الأولى اللي ما بتتنسيش وبتبقى مليانة بالمشاعر وبتحصل بسبب إن كل واحد منكم عاوز يعرف التاني بشكل أحسن.

رؤية طفلك بتبقى أحسن بالتدريج. والأطفال عند سن شهر تقريباً بيقدروا يتابعوا أي حاجة بتتحرك قدامهم بعيونهم وبيحبوا يبحلقوا في وش الأم و الأب ويبتدوا يستوعبوا الأحجام. وعند سن ست أسابيع طفلك بيقدر يشوف اللون الأحمر والأخضر وعند  حوالى أربع شهور بتبتدي عنده الرؤية المزودجة اللى بتخليه يقدر يشوف المسافات ويبتدي يمسك الحاجات القريبة منه.

مجال الرؤية بيبقى أكبر وبيبقى دقيق أكتر مع مرور الشهور ورؤية طفلك للألوان بتبقى أوضح بكتير. عند سن سنة الطفل هيقدر ينسق حركة الجسم مع الرؤية ودي حاجة أساسية لاكتشاف العالم من حواليه على إيديه ورجليه حتى من قبل ما يقدر يقف!

من الشهر ال18، طفلك هياخد باله من التفاصيل  ورؤيته هتساعده على مواجهة العالم من حواليه :إزاي يميز بين أفراد العيلة، يشوف الحاجات عن بعد، يطلع  السلم ويقدر ارتفاع كل درجة، وتمييز الأماكن اللي بيحبها أو بيكرهها. وقريب هيبتدي يقدر يرسم و يلون كل اللي بيقدر يشوفه بالتفصيل.

الرؤية حاجة غالية لازم ناخد بالنا منها

الصغيرين عادة ممكن يبقى عندهم مشاكل في الرؤية ولازم تاخدي بالك من  العلامات اللي بتبين إن طفلك مش بيعرف يشوف كويس وهى : الدموع، احمرار العين، الحركات الغريبة، والصداع بالليل عند الأطفال اللي سنهم أكبر. لو ظهرت على طفلك أي حاجة من الأعراض دي لازم تستشيري اخصائي الرمد على طول. عشان كل ما كان علاج الخلل بدري كل ما كان العلاج فعاليته أكبر وهتقل إمكانية إن طفلك تطوره يتأخر في المستقبل وبالذات لما يبتدي بتعلم القراية.  في حالات كتير، النضارات وتمرينات العين ممكن تحل المشكلة.

الحوَل بيأثر على حوالي 5٪ من الأطفال ومعناه إن المحاور البصرية للعينين مش متظبطة مع بعضها بشكل صح. ممكن الاختلال ده يكون موجود من ساعة الولادة أو يظهر بالتدريج عند سن سنتين أو تلاتة.. لحد سن تلات شهور، ممكن المحاور البصرية تختلف شوية قليلاً بس بعدين هيتم ملاحظة إن حركة العينين زي بعض ولا مختلفة ، وحتى لو كان التناسق أقل أو أكتر من كده فى بعض الأوقات، فلازم نعتبر ده من العلامات التحذيرية. وفي اختبار بسيط، بيعتمد على انعكاس القرنية بيخلي الممارس العام يقدر يأكد أو ينفي شكوكك.

 

عشان اختبار لو كانت عين واحدة هي اللي أضعف من التانية، ببساطة تغطي عين واحدة كام ثانية بعدين تغطي التانية. لو كان طفلك بيعيط بشكل منتظم لم غطيتي العين اليمين فده معناه إن  العين الشمال هي اللي مش بتعرف تشوف كويس. ورغم كده فمش ضروري إنك توصلي لأي استنتاجات متسرعة،خلي الدكتور هو اللي  يقوم بالتشخيص!

لازم برضه تاخدي بالك كويس جدا في الصيف عشان عيون الصغيرين بتعدي ضوء وأشعة الشمس أكتر من الكبار. ولحد ما الجو يرجع لطيف مرة تانية، لازم تجهزي عربية الطفل مع الشمسية وتتأكدي إن الطفل بيلبس برنيطة ونضارة شمس مع عامل حماية عالي (4/4).

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.