Sorry, you need to enable JavaScript to visit this website.
Share this المقالات
X

إزاي البيبي بيكبر جواكي

(0 reviews)

رحلة الحمل على قد ما فيها تعب على قد ما بتبقى ممتعة وبيبقى عندك فضول تعرفي إيه اللي بيحصل جوا. ٩ شهور الحمل بيتقسموا في نمو الجنين لمراحل.

الثلاثاء, كانون الثاني/ يناير 28th, 2020

  • التلات شهور الأولى

 

بيتحول فيها الجنين من خلية واحدة خلية واحدة لجنين عنده كل الأجهزة الحيوية

 

الشهر الأول

 

الحمل عادة بيحصل في نص فترة "الپيريود" ولكن لما الدكتور هيحسب لك ميعاد الولادة المتوقع هيزوّد ٤٠ أسبوع للتاريخ اللي بدأت فيه آخر "پيريود". من أول اليوم، الـ"سپيرم" بتتقسم بسرعة وبتتحرك جواكي لحد ما تتحول جنين بمجرد ما توصل للرحم.

 

الشهر التاني

 

في هذه المرحلة، الجنين بيستعد لإنه يبقى إنسان صغير وبدأت بعض أعضاء جسمه في التشكل. دلوقتي بقى عنده صوابع إيد ورِجل وكتلتين صغيرين جنب راسه ودول اللي هيبقوا ودنه.

 

 

الشهر التالت

 

دلوقتي بقى جنين في حجم العنبة، كل أجهزته بقت في مكانها الطبيعي وهيبتدي يتحرك. هيبتدي يفتح عينه شوية ويفتح بؤه ويحرّك صوابع إيده ورجله، وهتبتدي وظائف المخ تتكون. راسه هتبقى مدّورة أكتر. هتبتدي تشتغل وظائف المخ والأعصاب والعضلات.

 

  • التلات شهور اللي في نص

 

دلوقتي حجمه بقى في حجم الجريب فروت وأعضاءه بقت متطورة وناضجة أكتر، وبقى حواليه مادة شمع لونها أبيض (فيورنكس كاسيوسا)  ودي اللي بتحمي جلده من التعرض للسائل الأمينوسي. الفترة دي هتحسي -زي أغلب الحوامل- بطاقة ونشاط وسعادة وهتبقى انتهت شعور التعب وقلبة المعدة والترجيع.

 

 

  • التلات شهور الأخيرة

 

هتتكون حواسه الخمسة وتكون كاملة التطور. في الحقيقة، دي المرحلة اللي هيبقى عنده حس عالي حركيًا واجتماعيًا وإدراكيًا.

 

التطور الحركي

  • هيعمل انقباضات حركية.
  • هيبتدي يبلع السائل الأميني علشان يدوق اللي انتي بتاكليه.

 

التطور الاجتماعي

 

 

  • هيسمع الحوارات اللي بتحصل حواليه وهيتفاعل مع أصوات معينة وأصوات لأ.
  • هيتعود على موسيقى معينة عودّتيه إنك تسمعيهاله.
  • لو هما توأم، هيبتدوا يتفاعلوا مع بعض.

 

التطور الإدراكي

 

  • هيتعرف على وشه وعلى إيده عن طريق اللمس.
  • هيستجيب للأصوات اللي بعدها بيحصل حركة ولأي تغيير في معدل ضربات قلبك.
  • مخه هيبقى بيتفاعل مع الأصوات بشدة.

اقرأي المزيد

انضمّي إلى برنامج "أول ألف يوم من حياة طفلي"!

راحة بالك كأمّ على بعد كبسة زرّ. انضمّي الآن واحصلي على نصائح وحلول أسبوعيّة تهمّك عبر البريد الإلكتروني.‎

ابدأي معنا المشوار!

محتوى ذو صلة
تقييمات المقال

0 reviews

بحث

Still haven't found
what you are looking for?

Try our new smart question engine. We'll always have something for you.